Póndźelu, 22.09.2025 bě na našej šuli wulka napjatosć a wjeselo, hdyž 37 šulerjow z partnerskeje šule z Leśnicy přijědźe. Na tradicionalne wašnje jich witachmy.
Popołdnju mějachu zhromadne dožiwjenja z geocaching w Chrósćicach z našim 4. lětnikom.
Nazajtra wulećechu pólscy a naši šulerjo z busom do Oskarshausen. Wječor zetkachu so serbscy a pólscy šulerjo k zhromadnej zabawje. Při sportowanju, pomolowanju nachribjetnikow, šminkowanju a rejowanju so přećelstwa mjez šulerjemi skrućichu. Tež wohnjowa wobora spřihotowa parcours. Při dobrej pizzy Chróšćan pjekarja wuklinča rjany wječor.
